英超勁旅曼聯周中大破錫菲聯後，相隔唔夠72小時再上陣，喺奧脫福迎戰般尼。「紅魔鬼」近期後防天殘地缺，以攻代守係領隊坦哈格嘅對策，今場對住為護級盡地一煲嘅般尼，好可能會係入球Show，3.5球入球大要捧場。（Now聽621周六晚10時直播）

曼聯季尾表現持續下滑，華拉尼、利辛度馬天尼斯、域陀連迪路夫、莊尼伊雲斯等5名中堅齊齊受傷，近期要用卡斯米路客串中堅，戰術上更加係「打亂章」，中場形同虛設，攻守出現失衡問題，佢哋近5場攻入14球，同時失亦失咗13球，總入球全開4球或以上，表現大起大落。
般尼為護級豁出去

般尼依家排聯賽尾2，要為護級作最後掙扎，加上領隊高柏尼作風進取，今仗要搶分更加唔會坐以待斃，佢哋近7場作客賽事，有5次總入球開4球或以上，對住「紅魔鬼」呢條疲弱防線，肯定會全力爭取入波，要開3.5球入球大冇乜難度。