至於另一場英足盃8強賽事，英超嘅狼隊主場迎戰英冠球隊高雲地利，狼隊近況非常勇猛，喺聯賽冇壓力下，將會集中火力喺英足盃爭取佳績，高雲地利想越級挑戰有難度，狼隊主W值得捧場。

（無綫myTV聽SUPER周六晚8時15分直播）
狼隊喺英超已經殺上前半版，近5場比賽4勝1負，主場出擊更加連贏錫菲聯、白禮頓同富咸，氣勢相當強勁。狼隊聯賽唔愁降班，英足盃既然殺入8強兼抽到好籤，當然會全力出擊爭入準決賽。

高雲地利留力爭升班
高雲地利喺英冠距離升班附加賽只有1分，爭升班無疑係最重要目標，盃賽只會盡力而為，而且佢哋作客成績差勁，近7場本土兩大盃賽（英足盃、英聯盃）作客不勝，面對強勢嘅狼隊恐怕凶多吉少。